MLAKU-MLAKU SEJARAH

Tugu Pahlawan



Tugu Pahlawan yoiku tugu seng dibangun gawe nggormati pejuang-pejuang seng mati pas perang arek Suroboyo lawan wong londo. nang kunu yo onok musium 10Nopember. nang lawang ngarepe iku onok patong Ir. Soekarno karo Pak Hatta moco proklamasi. Apik temen. ketok gagah pas karo jenenge SUROBOYO KUTO PAHLAWAN.


Jembatan Merah



iki jembatan cidek karo tugu pahlawan. jembatan iki sejarahe akeh. koen ngerti brigjen mallaby gak? iku yo mati nang kunu. makane dijenengi jembatan merah soale nang jembatan iku biyen akeh darah seng nlecer.darah warnane abang.abang boso Indonesiae merah.


Hotel Majapahit



Hotel Majapahit seng biyene jeneng hotel Orange iku due sejarah gede gawe Merah Putih. Nang hotel iku benderane Belanda werno abang, poteh, biru d suek karo arek Suroboyo disisakno abang ambek pote tok. Nek due duek rek yo kapan-kapan nginepo nang kunu, ben koen ero sejarahe kunu.


Bangunan Lawas



mlaku-mlaku liwat bangunan lawas apik-apik yo ben ga sumpek. Bangunan lawas paling uakeh iku yo nang daerah jembatan merah kono sampek tunjungan plasa. polahe biyen kunu iku dadi pusat jajahane londo.


Monumen Kapal Selam



Monumen cideke delta plasa iki dibangun gawe nyimpen kapal selam seng biyen digawe perang nang Irian Barat. Nang kunu koen isok ndelok njerone kapal selam iku koyok opo. Mrunuo, ojok kuater kelelep, soale kapale ga di gele nang banyu kok.


Kebun Binatang Surabaya



KBS iku jarene kebon kewan seng paling lengkap sak asia tenggara. Jare arek saiki KBS iku nggon gawe madakno rupo hahahaha asline yo gak ngunu. iku dibangun ben awak dewe iki ngerti macem-maceme kewan opo ae. nang ngarepe KBS yo onok patung SuroBoyo.


Tugu Bambu Runcing



Tugu iki dibangun gawe ngelingno arek-arek Suroboyo nek bien pas perang, pejuang-pejuang teko Suroboyo gawe Pring lincip alias bambu runcing gawe mateni londo-londo.


Sunan Ampel



Nang kene koen isok mlaku-mlaku mesisan golek amal gawe nang akerat. Iki salasijine nggon Wali9 seng onok nang pulo jawa. Jarene nek ngombe banyu genuk nang kunu pikiran isok tenang. tapi yoh emboh maneh LILLAHITAALLAH ae .


Kenjeran



Nang Kenjeran, koen gak disuguhi Pantai tok . Tapi koen yo isok renang nang waterpark'e opo mlaku-mlaku foto-fotoan gawe profile fesbukmu nang patung budha'e. Nggone apik, akeh arek pacaran, tapi gawe koen seng kate dolen mrene tak kandani , nek kate pacaran ojok nemen-nemen rek, opo maneh sampek hohohihe ngisin-ngisini arek Suroboyo ae hahaha ndeso.


Suramadu



Jembatan Suroboyo-Meduro iki laris saiki. rego tarife sepeda montor Rp3000 nek montor RP30.000 . Murah toh? nek bengi loh ketok uapik. Tapi yo koen kudu ati-ati soale angine kadang nggebes banter.